منتديات الأميرة رميساء

مرحبا بكم في منتديات الاميرة رميساء
فضلا اضغط على التسجيل للتسجيل في المنتدى ، او يمكنك الدخول مباشرة دون تسجيل والمشاركة بالمواضيع .

منتديات الأميرة رميساء

كلنا اسرة واحدة من المحيط الى الخليج على الخير نلتقي
 
الرئيسيةالبوابةاليوميةس .و .جبحـثالتسجيلدخولشكاوى

شاطر | 
 

 عيد ميلاد سعيد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
علي الطاير
عضو فعال
عضو فعال








عدد المساهمات : 143
تاريخ التسجيل : 17/04/2010

مُساهمةموضوع: عيد ميلاد سعيد   الأحد أبريل 18, 2010 2:19 am

سيدي الرئيس
في عيد ميلادك الكام وسبعين
كل سنة وانت طيب
واحنا مش طيبين
كل سنة وانت حاكم
واحنا محكومين
واحنا مظلومين
واحنا متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك – ها تفتكر مين وللا مين
في عيد ميلادك الكام وسبعين
بقول لك كلمتين
الأوله
ليلتنا طين
وهل تعلم أن النيل بقي رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والإقتصاد سداح
والسرقة بقت كفاح
ومصر متاحة بس للسياح
وعرض البلد بقي مستباح
والثانية
ورتنا الويل
دا الخطوة في عهدك بقت ميل
والضحك بقي نواح وعويل
والكوسة
عارف الكوسة
ممكن أقول لك فيها مواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز علي المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والثالثة
عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسه مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة
أمن بلدنا بقي تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاع العام….عام
والفساد…..ساد
وفي جتة بلدنا بيرعي
أفتكر لجنابك إيه وللا إيه
وكل ذكري ليك بدمعة
آآآآآآآآه آآآآآآآآه
أنا كنت حالف مية يمين
أكملهم لك تمنية وسبعين
بس ها كفيهم ورق منين
وكل سنة وانت …………..
واحنا طيبين
الرجوع الى أعلى الصفحة اذهب الى الأسفل
المدير
المدير
المدير
avatar




عدد المساهمات : 79
تاريخ التسجيل : 11/04/2010

مُساهمةموضوع: رد: عيد ميلاد سعيد   الإثنين أبريل 19, 2010 10:13 am

farao ههههههههه
تعرف انت بتفكرني بايه بجزء من مسرحية " الزعيم "

:arrow:

شكرا على الموضوع
الرجوع الى أعلى الصفحة اذهب الى الأسفل
http://romaysa.lifeme.net
 
عيد ميلاد سعيد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الأميرة رميساء :: المنتديات الادبية :: منتدى الشعر والخواطر-
انتقل الى: